Summer pig pig world

MJ魔法學院神秘誕生-神秘特訓の最終回

summerpig | 9th May 2012 | Events | (1 Reads)

不經不覺Majolica Majorca魔法傳導學院嘅神秘特訓已經嚟到最終回喇,繼係MJ密室感受過當中嘅神秘力量(按此回顧), 同埋與其餘5位傳道師去上堂學習各種魔法工具嘅運用後(按此回顧), 院長Sawako Yuri終於露面啦~

親切善良嘅院長擁有不斷追求令人與世界變得更美嘅決心, 於是佢就由指甲開始傳授魔法工具嘅運用秘技,潛伏係Kitson嘅魔法細胞被解封啦,首度施展MJ美甲魔法變奏悅目甲式, 好靚呀~

同院長Sawako Yuri影返張合照先

佢仲係Kitson嘅魔法課本度簽名呵..

最後, 今次嘅神秘特訓旅程就係精緻美食嘅款待下完成.

不過魔咒嘅封印仲未被徹底解除, 嚟緊5位美麗傳道師畢業生將會係5月10日嘅學院畢業禮上面, 施展渾身解數解開封印,釋放MJ全新魔法工具之無窮變奏,幻化成不同美麗仙子傳播愛心力量.

5月10日香港見嘍！

留言(1) | 引用(0)

專屬包包製作體驗@Sabrina Scala皮藝聚研坊

summerpig | 8th May 2012 | Events | (2 Reads)

好多女仔都鍾意行街買衫,繼而就買返唔同嘅鞋/袋去配襯唔同嘅造型,手袋更係當中不可缺少嘅,因為永遠都有唔同嘅用品帶出街,一個耐用又得體嘅袋可以成位身份嘅象徵.有人會揀名牌,有人會揀實用.咁其實一個手袋係點整出嚟嘅呢?!

多得U Beauty,早前就有機會去到同Sabrina Scala合辦嘅皮藝聚研坊,一嘗親身製作皮具嘅過程同心思.

為左今次嘅活動,位於中環嘅Sabrina Scala仲專登將舖頭close左一個晏晝.入到去,枱面上一早已經準備好所需嘅皮革工具.

活動開始.三位設計師啦出場,分別係Arie,Alfred同Gigi.

Alfred先介紹一下Sabrina Scala,係以"樂.生活"哲學,同顧客一齊設計出獨一無二嘅專屬製成品.

佢仲即場展示左一袋三用嘅手袋, 外面係黑色,翻轉後就係養眼嘅灰綠編織圖案,所以兩面都用得.而入面嘅防水袋又可以單獨咁用.

之後我地就係預早準備嘅皮料當中自選出鍾意嘅材料,Sabrina Scala提供左不同顏色,質地同厚度嘅皮革配件,最後我揀左呢個配搭.

另外仲可以配唔同色嘅皮革線

由Gigi教我地點製作.揀好左配件,之後將皮革線嘅一端剪尖

擦上皮膠水,等皮革線硬身D, 方便穿過一早已打好一排孔嘅配件.

先將扣同袋嘅背面合體,用穿皮革線入去,

用皮膠水固定位置,再一上一落咁穿好

我地都邊學邊整

穿好左個背扣喇

跟住到將前後幅合併

繼續穿呀穿

係Gigi幫我埋尾打結,將多出嘅皮革線剪走

第一個完成!!

Tailor-made嘅袋仔,唔少得獨特嘅身份證明,就係名牌標籤,套入袋仔嘅背扣度

利用店內VIP房嘅雕刻機,可以係一分鐘內將自選嘅文字刻係牌上.

係等刻字嘅同時,我地仲可以享用Sabrina Scala為我地準備嘅精緻下午茶.

係VIP房內,貼有今年流行嘅手袋款式

仲有唔同嘅圖案皮料

亦有唔同嘅手袋扣

個牌終於刻好名喇

仲幫我地用布袋入好

有份出席嘅SIS嘅作品, 10 個之中無一個相同架,每個都有自己嘅獨特風格.

一個愉快嘅下午好快就過左,真係好開心可以自己親手製作出一個獨一無二嘅袋.Sabrina Scala嘅IDEA真係好好呀.

有興趣可以去了解多D,依家仲有母親節PROMORATION,可以買個靚袋俾媽媽.

Sabrina Scala
地址：香港中環威靈頓街 43-49 號
電話：2518 4188
http://www.sabrinascala.com/index.php

留言(0) | 引用(0)

MJ魔法學院神秘誕生-神秘特訓の次回

summerpig | 7th May 2012 | Events

上回講到日本嘅Majolica Majorca魔法傳導學院係2月成立後, 被選為香港代表嘅美麗傳道師Kitson,去到進行神秘特訓.

參觀過東京鬧市中-資生堂銀庭內室嘅MJ密室, 感受過當中嘅神秘力量(按此回顧),之後就同其餘5位傳道師去上堂喇.

由學院大師姐Megumi Mitsui傳授各種魔法工具嘅運用, 大家都好俾心機呵

特別係睫毛同眼線工具嘅力量神符奇技, 一畫一掃令平凡眼睛變為羽扇大眼, 好厲害. 連Kitson都成為MODEL~

魔法工具有咩神奇本領呢?!

Kitson親身實習,心中默唸Majolica Majorca幻想心目中美麗仙子

令構圖人物轉化成現實美人

大師姐Megumi Mitsui更大讚佢身藏MJ魔法細胞呢！

今次嘅神秘封印又到此為止,請密切留意之後嘅貼身追蹤

留言(0) | 引用(0)

Encore 100%天然有機護理

summerpig | 4th May 2012 | Beauty - Skin Care | (1 Reads)

近期嘅有護膚機風繼續吹,唔同嘅產品系列都係市面上買得到.之前有機會用到嚟自英國嘅100%有機護理品牌Balm Balm其中嘅潔面系列&Rose Geranium玫瑰天竺葵系列(按此回顧), 所有產品都以簡潔、天然方法研製而成,通過兩項歐洲權威驗證 “The Soil Association” 及”
The Organic farmers & Growers Association, 帶俾肌膚零負擔滋養,就連千憶新抱徐子淇都用佢架

當然好嘢唔止咁少啦,再嚟介紹下另外幾款用過嘅產品,包括左爽膚水,精華,面膜同按摩油,由面到身都照顧到.

洗完面用Original Witch Hazel Toner 原味金縷梅爽膚水

由金縷梅精華、植物性甘油同具潔淨功效嘅穀物酒精提煉而成

開口比較大, 倒嘅時候要慢D小心D

係透明無色嘅,帶有草藥味

金縷梅係傳統上用嚟治療輕微割傷、燒傷、皮疹及昆蟲叮咬等等嘅有效植物,呢支爽膚水就100%自然溫和,幫助收細毛孔同對抗面油,令皮膚清新舒爽,啱晒夏天用,毛孔粗大又易出油

簡單直接身嘅搽上面(或者用化妝品棉抺)

感覺清新,毛孔都收歛左

另外亦可以加少量係濕潤嘅化妝棉上,用嚟抺走超輕柔椰子精華潔面液

跟住用Little Miracle Rosehip Serum神奇玫瑰果精華液

泵裝開關設計,向左轉係關,向右轉係開

成份有乳香、玫瑰天竺葵、玫瑰草、杜松, 柑橘精油,荷荷巴油, 琉璃苣油等等基底油混合制造

質感似好稀身嘅油,同樣有草藥味

咁會唔會好油又難吸收呢? 出奇地搽開後好快就吸收晒,而且完全無任何黏立油膩感喎

除左日常護理外,定時敷面膜當然唔少得啦.

有機花妍煥彩活膚面膜Hibiscus Face Mask出場

擰開先知..原來係粉狀..(再睇下說明)

成份有:

-HIBISCUS SABDARIFFA FLOWER EXTRACT洛神花（芙蓉花）萃取物：含花青素,係天然強效抗氧化劑,有效保護肌膚免受自由基損害,達到抗老化作用.洛神花亦富含檸檬酸 (citric acid) 、蘋果酸-(malic acid) 、酒石酸(tartaric acid)、籐黃果酸(hydroxy citric acid)及洛神花酸(hibiscus acid)等多重花酸,同果酸共同作用,促進細胞再生,去除老化角質,改善暗沉現象

-Rose geranium玫瑰天竺葵 :增強肌膚美白,舒緩抗發炎,平衡皮脂分泌改善毛孔阻塞、凍瘡,紅潤皮膚,抗憂郁撫平焦慮沮喪提振情緒

-Oryza Sativa Powder 糙米粉: 含豐富維他命,為暗沉且粗糙皮膚深層清潔,提高保濕效果,改善膚色

用一茶匙嘅分量加暖水,攪拌成糊狀

塗勻係面上, 等大約10分鐘去到微乾

用雙手輕輕按摩雙頰,額頭,T字位

利用糙米精華,去除角質

用清水洗淨後,皮膚唔覺得乾,毛孔乾淨左,面上嘅泛紅都退左D

塊面照顧好,都唔可以唔記得BODY CARE

呢支Rose relaxation bath and massage oil玫瑰鬆弛沐浴按摩油,一物二用

成份有玫瑰天竺葵,柑橘,薰衣草和依蘭精油,再融入金盏花,向日葵,夜来香,玫瑰果,荷荷芭油之中,呵護肌膚嘅同時,幫助放鬆心情

可以要嚟入浴,沖涼嗰陣加幾滴落水度去浸浴

或者直接搽係身上,按摩至吸收

噴霧裝

質地係油,唔係傑身嗰種.

都OK易搽,唔會好立.

嚟緊帶埋佢去船河,係搽防曬之前做打底一流(FOR BODY防水防汗嘅防曬一般都偏乾)

想試下千憶新抱都讚嘅100%有機護,可以趁PROMOTE入手呵 (按詳情)

又或者去Balm Balm嘅香港及澳門地區獨家代理HealthKool了解多D

留言(0) | 引用(0)

提昇肌膚質素,由排毒做起

summerpig | 3rd May 2012 | Beauty-Keep Fit | (5 Reads)

返左份新工都有成4個月,D客比之前麻煩N倍,同事亦唔算配合,工作上真係唔太順心,壓力大到癲. 加上天氣寒冷,護膚都無心機,運動更加係天方夜譚,只會化悲憤為食量...(灰呀)唔知係咪因為咁而令到毒素積聚,連平時唔會生痘痘嘅眉頭,都出事喇.(嗚..)

要去除體內毒素,又唔想煮呀,煲呀咁,依家有新選擇 - 白蘭氏InnerShine®美妍纖梅飲!先要謝過Fashion & Beauty 嘅試用邀請.

以前提到白蘭氏,就會諗起讀書補品,不過近年白蘭氏嘅產品已經照顧到由學生钀變成OL嘅女性,投入由內而外健康護膚潮流,推出美肌新方案.

之前小S嘅素顏自信令我都試飲過活顏馥莓飲, 不過個人覺得太甜,只係飲過3支. 呢款新嘅美妍纖梅飲又會係點呢?!

14樽一盒, 開箱啦

分左2層擺放,每層7支

每支50ML

當中包含2大有益成份:

1.加州西梅精華(Prune)
- 含豐富膳食纖維,令食物停留係胃部時間增長,緩慢胃排空時間,促進腸道蠕動,有「腸道清道伕」之稱.
- 含豐富嘅花青素,植物營養（phytonutrients）,包括胡蘿蔔素（carotene）,多酚（polyphenols）,植脂醇（phytosterol）,維他命A,
維他命C,鉀,鐵等等,當中嘅“綠原酸”,能有效抑制自由基,降低體內壞膽固醇（LDL),有助預防慢性疾病如心臟病.而且抗氧化一流,
係大部分蔬果之冠.

2.木寡醣 (Xylo-oligosaccharide XOS)益生素
-又稱為低聚木醣,能促進腸道益生菌繁殖,刺激腸道蠕動,防止便秘.
-強化腸道保護屏障功能,鞏固腸道內壁嘅保護膜,減少腸道有害毒素產出,進而降低肝臟分解毒素負擔,延緩老化、維持免疫機能.
-增加礦物質吸收率,膳食纖維會抑制礦物質吸收,但木寡糖就可促進礦物質吸收.因為木寡糖經腸道益菌利用後可以促成利於礦物質吸收
腸道環境,尤其係鈣、鎂等巨量礦物質.
-有益嘅甜, 木寡糖甜度大約係蔗糖嘅50%,味道同蔗糖近似,但食左都唔會因細菌而產生酸性物質侵蝕牙齒,唔怕蛀牙
-幾乎唔會產生任何熱量,好多時成為低熱量或糖尿病人使用嘅甜味劑,更健康有益

難怪一樽都只係得42.1個卡路里,而且仲無糖

撕開包裝

再扭開鋁蓋

D顏色...比紅莓汁深色..

搖勻後就可以直接飲

味道完全唔會過甜,帶少少酸酸地,有d似清淡feel利賓立,質地就似傑身果汁(有果肉嗰d),當然佢係無果肉架啦.

而且不含防腐劑及人工色素, 絕對啱晒怕太甜,又怕麻煩,又想靚嘅人.

飲左差不多2星期,去便便比之前更順暢,感覺腸道健康左,因為下巴想出嘅間粒都無左嘍.

白蘭氏InnerShine®美妍纖梅飲係萬寧、屈臣氏、莎莎及Vivo Plus都可以買到.

留言(1) | 引用(0)

付出$15, 買到$155 Cosme Decorte Moisture Liposome

summerpig | 1st May 2012 | 雜誌 | (3 Reads)

暫時未有固定訂閱嘅雜誌, 都係嗰期啱睇就買,又或者為贈品而買.

5 月號嘅《旭茉JESSICA》封面係李心潔

首批限量版附送 Cosme Decorte 的 Moisture Liposome 9ml 體驗裝（價值$155）

一書2冊(連RUN)

重點當然係支Moisture Liposome呵..

留言(0) | 引用(0)

為肌膚注入矜貴元素♕✿❉✪❤ 鑽石+黃金♛❄❊♡

summerpig | 30th Apr 2012 | Beauty - Skin Care | (2 Reads)

鑽石同黃金,閃爍耀眼嘅光芒,加上保值能力強勁,輕易俘虜女性嘅芳心,喜事(求婚/結婚/嫁娶)都唔少得.係平日用到嘅護膚品中加入鑽石同黃金,就自然地令人覺得格外矜貴,用左人都靚d.

唔講唔知,原來鑽石粉末有著如微晶磨皮嘅功效,令肌膚恢復幼滑細嫩,帶出肌膚閃爍感,用後皮膚變得更柔軟和亮澤透明；遠古以來中國、印度、古埃等皇后早已識得得用黃金護膚,黃金有著延緩衰老、提昇肌膚彈性嘅神奇功效,令容貌保持青春艷麗.

近日就有機會用上含鑽石同黃金嘅韓國著名護膚品Miskin,包括左旗下嘅2款面膜&1款眼膜.

Miskin提倡天然無污染護膚方法,所有產品均成分天然,而且已通過美國 FDA 皮膚安全性檢測及多項韓國國家公認檢驗機關測試,係進軍日本市場後,唔單止大賣,連藤原紀香及中島愛里都成為佢嘅fans.

今次用上嘅面膜及眼膜為 Miskin 皇牌產品,以鑽石、黃金等矜貴成分分子配合珍珠、魚子、海帶、綠茶、蘆薈、骨膠原、玫瑰等天然成分，形成果凍質感嘅水溶面膜，能完全溶解於 80°C 高溫之中,精華徹底滲透肌膚.產品高效注水補濕,令肌膚水分提升,有助修護受損肌膚細胞,特別適合於激光或彩光療程後使用.

事不疑遲,先嚟睇下鑽石璀璨水凝面膜 Diamond Hydro-Gel Mask Pack 先

一盒五片,獨立包裝

外盒/面膜背面都有使用指示

每片30克

打開包裝,攞塊面膜出嚟

面膜包得好穩陣,用透明膠紙同珍珠紙夾係中間,清楚見到分左4部分.

質地就係片狀嘅啫喱啦,滑嘟嘟..

主要成分 :
鑽石、礦泉水、珍珠粉、鱘魚子、膠原蛋白、蘆薈葉提取物、玫瑰提取物、海草類提取物、蜂皇漿

功效:
鑽石份子高效注水補濕,有微晶磨皮之效,可以美白淡斑.而礦泉水增加皮膚親和性、保濕力, 提供適合人體組織嘅水份&營養成份,保護容易過敏嘅皮膚,保持皮膚潤澤+光亮+彈力; 其他提取物就為皮膚提供營養、保濕、彈力,令水分提升,具抗氧化功效,幫助活化細胞,改善疲倦、暗啞嘅膚質

啱晒最近晚晚夜瞓嘅我,因為面色暗啞到不得了.

先敷上鑽石璀璨水凝面膜嘅上半part

再到下半part

啫喱面膜相當貼面,啜住肌膚

呢個mask仲有埋唇膜

同埋眼膜

真係全面都100%照顧周到

基本上,一般面膜/眼膜建議大約敷10-30分鐘不等,但敷上Dia Force時間越長,其緊貼在皮膚上嘅營養成份滲進皮膚後會使到面膜變薄,就算長時間敷都唔怕,敷後仍然水分充足,唔會好似其他面膜越敷越缺水,出現倒吸情況.

本來我無打算去證實呢方面嘅表現,可惜敷上鑽石璀璨水凝面膜後,就瞓係度睇書,睇睇下仲瞓著左. 醒返已經係45分鐘後.

即刻擰走面上嘅面膜,好在,真係無倒吸,面上仲有d精華係度,皮膚比之前水嫩有光澤左.

另外唇部效果都幾明顯,敷後嘴唇由點點乾紋變得水澤飽滿

******************************************************
金鑽璀璨水凝面膜 Gold Diamond Hydro-Gel Mask Pack

33g一片

蘊含黃金分子,促進血液循環,延緩肌膚衰老. 另外亦含鑽石分子,美白淡斑,高效注水補濕,令水分提升,具抗氧化,活化細胞功效,改善肌膚老化及細紋問題

都係分5 part嘅

質感同鑽石璀璨水凝面膜相約,效果相當不俗

除左面膜,仲有鑽石璀璨水凝眼膜 Dia Force Hydro-Gel Eye Patch

外盒有清楚使用指示,咁就唔怕方向出錯

以膠盒裝住

每盒有30對

擰開...原來附有小匙,可以避免雙手直接掂到眼膜,確保衛生

再揭開厚厚嘅膠蓋,60片bling bling嘅鑽石璀璨水凝眼膜

每片都好多精華呀

主要成分 :
鑽石、礦泉水、珍珠粉、鱘魚子、膠原蛋白、蘆薈葉提取物、玫瑰提取物、海草類提取物、蜂皇漿

功效:

鑽石份子高效注水補濕,有微晶磨皮之效,可以美白淡斑.而礦泉水增加皮膚親和性、保濕力, 提供適合人體組織嘅水份&營養成份,保護容易過敏嘅皮膚,保持皮膚潤澤+光亮+彈力; 其他提取物就為皮膚提供營養、保濕、彈力,令水分提升,具抗氧化功效,幫助活化細胞,改善疲倦、暗啞嘅膚質. 除左敷眼,亦可敷係鼻翼及嘴邊，減淡法令紋.

成日對住電腦嘅雙眼,幼紋漸多 >.<

貼上鑽石璀璨水凝眼膜

20分鐘過後

眼下嘅幼紋明顯被撫平左,淡左d

感覺真係好矜貴呵.可以係面上貼鑽石,貼黃金,效果與眾不同.

Miskin 面膜及眼膜可以被熱力溶解,敷完之後都會感覺到面膜比之前薄左,反映肌膚真係吸收左精華液.

日本人更特別鍾意係浸溫泉嗰時敷上 Miskin 面膜,藉住毛孔擴張之時等面膜完全溶解及滲入肌膚。日韓美容院亦會在客人敷完面膜後，將面膜放入 80°C 熱水中攪拌，然後將精華液雪藏冷卻，變成水凝凍膜,敷係客人其他身體部位如手肘及腳跟等，天然環保，物盡其用。

嚟緊夏天仲可以冷敷,因為Dia Force能舒緩降紅,起鎮靜功效,激光彩光療程後 or 曬傷後使用都好合適

有興趣享受貴婦嘅奢侈護膚,依家有限定優惠,有買趁手嘍~ GOGOGO

想了解多d,就可以去呢度 .

留言(1) | 引用(0)

神秘✪❉公平✿❤ 試 ☞ 粉底

summerpig | 26th Apr 2012 | Beauty - Makeup | (2 Reads)

每個人都會對唔同嘅嘢有所偏愛,有d人飲可樂一定要係紅色嗰個牌子,杯面要食日牌,選擇自然會有偏頗.如果係完全唔知道品牌嘅情況底下,有時都未必可以分出產品嘅唔同之處.唔知底蘊,就唔知有偏袒,評價就更公正.

最近係完全唔知牌子嘅情況下,試左2款神秘品牌嘅粉底液,可以話係公開,公平,公正,無得偏心.

佢地只係以品牌A 同品牌B去區分

我皮膚較白,揀左純白色系.

同樣係純白色系,不過 A 同 B嘅顏色係有分別嘅, A偏白,B偏黃

素顏嘅我,皮膚問題離唔開都係毛孔粗d,有d紅印/痘印,T字位油,面頰偏乾

先試品牌 A 粉底液

打開聞到淡淡香味

質地幾薄下,算得上水潤柔滑,好推得嚟幾貼薄,有搽左有色嘅防曬feel,融入皮膚

左邊面先上粉底液A

感覺好貼薄,毛孔同紅印都遮蓋哂,而且唔會覺得乾.

全面搽晒,膚色均勻返晒之餘,仲亮白,有光澤左.

過左5個幾鐘之後,個妝都仲算幾貼,只係溶左少少,控油度唔錯,T字位都唔算油

到品牌 B 粉底液

打開聞到...唔太討好嘅..粉底味道..

質地比粉底液A厚身少少

都係先上左邊面,睇下有咩分別

感覺都唔會好厚,但就有DD乾,望落啞緻

搽勻成面後,膚色都均勻左,但就依然好MATT嘅FEEL..

同樣都係5個鐘後,溶妝情況比粉底液A厲害一點,而且感覺乾D

而遮瑕修飾度方面,睇下痘印重災區-下巴就知

明顯係粉底液A遮瑕度高D

整體嚟講,個人對2款粉底液嘅評分會係: (5粒★代表滿分)

品牌 A 粉底液 -
持久度 :★★★★☆
水潤柔滑度: ★★★★☆
亮白光澤度: ★★★★☆
遮瑕修飾度: ★★★★☆
貼薄細緻度: ★★★★☆

品牌 B 粉底液 -
持久度 : ★★★☆☆
水潤柔滑度: ★★★☆☆
亮白光澤度: ★★☆☆☆
遮瑕修飾度: ★★★☆☆
貼薄細緻度: ★★★☆☆

做完粉底公證人,仲有禮物呢 - Za True White Plus Liquid Foundation 真晳美白護膚粉底液.

一向都係ZA兩用粉餅嘅FANS,每年嘅限量版粉盒都係必買嘅,依家仲出埋Liquid Foundation,真係要試下

SPF25 PA++，阻隔紫外線A、B，保護肌膚.另外添加護膚成分,包括維他命C及E、礦物及透明質酸,上粧後持續修護肌膚,可以預防粧容因氧化而導致膚色晦暗蠟黃。

泵裝設計

配方注入智慧調光科技,配合亮肌美白複合物,淨白去黃之餘,仲識智慧調光,提升透明感,修飾瑕疵,帶出光澤

質地好水好薄

成個星期都夜瞓,搞到膚色又黃又暗啞,極唔均勻

上半邊面,感覺貼薄自然,毛孔&瑕疵都遮蓋左

上晒全面,面上嘅蠟黃情況改善左~粧容完全唔厚重,讚呵..

唔知呢款Za True White Plus Liquid Foundation 真晳美白護膚粉底液會唔會有限量版推量呢?(咁又多個藉口名正言順買嘢啦,嘻!)

留言(0) | 引用(0)

MJ魔法學院神秘誕生 - 神秘特訓の首回

summerpig | 25th Apr 2012 | Beauty - Makeup | (4 Reads)

小說中英國有霍格華茲魔法學校(出自哈利波特),現實中都有! 就係位於日本嘅Majolica Majorca魔法傳導學院~ 利用魔幻彩粧傳授美之魔法.

有幸成為魔法傳道大使(詳情按此),負起重要使命,深入探索魔法傳道學院嘅神秘特訓,貼身追蹤由數以百計嘅追隨者當中脫穎而出嘅美麗傳道師Kitson嘅秘密手記.

神秘特訓の首回

神秘客機將Kitson送抵MJ魔法學院,行返個入學禮先.

同魔法學院總監Shimizu見面喔~~(機會難得,合照唔少得)

開始去探索Majolica Majorca魔法力量嘅由來嘞

魔法教室展示出唔同嘅MJ神奇魔法彩粧工具,Kitson就要學習點樣運用佢地

MJ憑著工具嘅神奇力量,經已成功塑造左多個美麗故事,結集出多個chapter嘅公主同仙子嘅美麗影集,構圖同人物都靚都不得了!

另外學院仲展出左魔法人物著過嘅衣飾,古老傳說話,如果有人擁有MJ魔法細胞力量,著上衣服後就可以走入MJ Wonderland變成MJ美麗仙子(好夢幻呵...)

男武士Kitson近距離接觸之後,都FEEL到當中力量呢~

之後Kitson尋幽探秘,嚟到隱藏係東京鬧市中-資生堂銀庭內室嘅MJ密室

親身目睹帶有神秘力量嘅魔法櫃

魔法櫃擁有數唔清嘅抽屜,打開每個抽屜都蘊藏著魔法彩粧工具,傳說只要係魔法櫃前誠心許願,心中默唸Majolica Majorca,一瞬之間神奇魔法工具就會令平凡人變奏成美麗嘅公主~~

玻璃鞋呀!!

呢座魔法櫃早前都係香港曾經神秘出沒過,展現俾同Majolica Majorca擁有同樣追尋美麗夢想嘅人(我都曾經有幸遇到過,按此可遊覽)

下次遇見MJ神秘事件嘅主角好可能係你呵..

今次接收嘅神秘封印到此為止,請密切留意下星期嘅貼身追蹤

(TO BE CONTINUE.....)

留言(1) | 引用(0)

探子試SOTHYS補水王

summerpig | 24th Apr 2012 | Beauty - Skin Care | (3 Reads)

踏入初夏嘅香港,空氣中嘅濕度比秋冬嗰時已經高左好多,可惜復活節假期嘅北京之旅,令皮膚前所未有咁乾,返左香港兩星期有多,依然未完全舒緩返.剛好選中成為《明報》OL網探子回報嘅探子,試用SOTHYS智能水分系列,打救乾燥肌.

SOTHYS係遠古埃及神話中嘅一位女神,1946年法國巴黎，Dr. Hotz以SOTHYS為名成立美容品牌,已經有66年歷史,產品優質得到好多美容院選用.

今次,試嘅係基因智能水分系列其中嘅3款產品

包括:Hydra-nourishing mask基因智能水漾滋潤面膜15ml; Light Hydrating Cream基因智能水份乳霜15ml; Hydrating Cream基因智能水份面霜2ml

全系列有三大成分 + 三大功效:

1.專利1055 牛肝菌精華: 「活化」基因，加強蛋白質合成,令到皮膚儲水能力增加,幫助調節水份流動、重組鎖水屏障，瞬間為肌膚表面、底層提供充足水份，加強鎖水效果
2.三胜肽 :有助刺激透明質酸合成、鎖住水份子
3.麥冬精華: 加強細胞凝聚力同調節水份流動

為肌膚極速補水、高效儲水、持久鎖水, 令皮膚水份飽滿.

先試Hydra-nourishing mask基因智能水漾滋潤面膜